1991 yilgi «Oltin to‘p» sohibi Jan-Pyer Papen «Barselona» hujumchisi Lamin Yamalning joriy yilda ushbu mukofotni qo‘lga kiritish imkoniyatlari haqidagi fikrlari bilan o‘rtoqlashdi.
«Yamal “Oltin to‘p”ga qo‘l tekkizadigan kundan qo‘rqaman... Chunki shundan keyin u bu sovrinni yana bir necha yil davomida qo‘lga kiritishi mumkin. U har bir o‘yinda aql bovar qilmas darajadagi futbolni namoyish etmoqda. Har oy o‘z o‘yiniga yangi nimadir olib kirmoqda. Menimcha, u joriy yilda “Oltin to‘p”ni yutishi mumkin», — dedi Papen L’Équipe nashriga bergan intervyusida.
Joriy mavsumda Lamin Yamal «Barselona» safida 10 ta uchrashuvda maydonga tushib, 8 ta gol urdi va 9 ta golli uzatmani amalga oshirdi.
