1991 йилги «Олтин тўп» соҳиби Жан-Пьер Папен «Барселона» ҳужумчиси Ламин Ямалнинг жорий йилда ушбу мукофотни қўлга киритиш имкониятлари ҳақидаги фикрлари билан ўртоқлашди.

«Ямал “Олтин тўп”га қўл теккизадиган кундан қўрқаман... Чунки шундан кейин у бу совринни яна бир неча йил давомида қўлга киритиши мумкин. У ҳар бир ўйинда ақл бовар қилмас даражадаги футболни намойиш этмоқда. Ҳар ой ўз ўйинига янги нимадир олиб кирмоқда. Менимча, у жорий йилда “Олтин тўп”ни ютиши мумкин», — деди Папен L’Équipe нашрига берган интервьюсида.

Жорий мавсумда Ламин Ямал «Барселона» сафида 10 та учрашувда майдонга тушиб, 8 та гол урди ва 9 та голли узатмани амалга оширди.