Yakshanba kuni Fransiya chempionati doirasida «Trua» maydonida qo‘lga kiritilgan g‘alaba mavsum boshida qiyinchiliklarga duch kelgan «Marsel» uchun vaziyat o‘nglanayotganidan darak bergandek edi.
Biroq Yevropa ligasi doirasida «Olimpiakos»ga qarshi «Velodrom» stadionida o‘tkazilgan va 0:1 hisobidagi mag‘lubiyat bilan yakunlangan uchrashuvda jamoaning himoyadagi muammolari hamda ruhiy beqarorligi yana bir bor ko‘zga tashlandi.
Natijada avval «Lill» va «Lion» klublarida ishlagan Bruno Jenezio «Marsel»ning so‘nggi 60 yildan ortiq vaqt ichida mavsumdagi dastlabki sakkizta o‘yinning oltitasida mag‘lub bo‘lgan ilk bosh murabbiyiga aylandi. Bunday holat oxirgi marta 1964/1965 yilgi mavsumda Mario Zatelli boshqaruvi davrida kuzatilgan edi.
Bundan tashqari, mavsumni bunday omadsiz boshlash holati 1979/1980 yilgi mavsumda qayd etilgan bo‘lib, o‘shanda Fransiya klubi oliy divizionni tark etgan edi.
