«Real» yarim himoyachisi Jud Bellingem Madrid klubidagi roli haqida o‘z fikrlarini bildirdi.
«Men 23 yoshdaman, ammo meni allaqachon veteran deb atashmoqda... Jamoadagi rolim menga yoqadi va umid qilamanki, biz rivojlanishda davom etib, sovrinlarni qo‘lga kiritamiz», — deya Bellingemning so‘zlarini «Real»ning rasmiy sayti keltiradi.
Chempionlar ligasining umumiy bosqichi ikkinchi turida «Roma»ga qarshi o‘tkazilgan uchrashuv (4:3) futbolchi uchun «qaymoqranglilar» safidagi 150-o‘yin bo‘ldi. Bellingem 2023/24 yilgi mavsumdan buyon «Real» sharafini himoya qilib kelmoqda.
23 yoshli yarim himoyachi joriy mavsumda «qirollik klubi» safida barcha musobaqalarda o‘nta uchrashuvda maydonga tushib, uchta gol urdi va ikkita golli uzatmani amalga oshirdi.
