«Реал» ярим ҳимоячиси Жуд Беллингем Мадрид клубидаги роли ҳақида ўз фикрларини билдирди.

«Мен 23 ёшдаман, аммо мени аллақачон ветеран деб аташмоқда... Жамоадаги ролим менга ёқади ва умид қиламанки, биз ривожланишда давом этиб, совринларни қўлга киритамиз», — дея Беллингемнинг сўзларини «Реал»нинг расмий сайти келтиради.

Чемпионлар лигасининг умумий босқичи иккинчи турида «Рома»га қарши ўтказилган учрашув (4:3) футболчи учун «қаймоқранглилар» сафидаги 150-ўйин бўлди. Беллингем 2023/24 йилги мавсумдан буён «Реал» шарафини ҳимоя қилиб келмоқда.

23 ёшли ярим ҳимоячи жорий мавсумда «қироллик клуби» сафида барча мусобақаларда ўнта учрашувда майдонга тушиб, учта гол урди ва иккита голли узатмани амалга оширди.