Sobiq bosh murabbiy Fabio Kapello «Yuventus» safida ijara asosida to‘p surayotgan hujumchi Nik Voltemade haqidagi fikrlarini bildirdi. 15 oktyabr, payshanba kuni Voltemade Yevropa ligasi doirasida «Selta»ga qarshi o‘yinda (2:1) gol urdi.
«Voltemade haqida gapiradigan bo‘lsak, men bu pozisiyada o‘ynay oladigan hujumchini ko‘rdim. Ammo unga himoyachilar ortiga ochilib, tezkor yugurishlarni amalga oshiradigan sherik kerak. U to‘pni o‘zida saqlay oladi va hujumning asosiy figurasi bo‘la oladi. Oldinda shunday baland bo‘yli futbolchi turganini hisobga olsak, nima uchun ular jarima maydonchasiga deyarli to‘p oshirmaganini tushunmadim. To‘pni har doim uning boshiga yo‘llash shart emas — oyog‘iga ham pas berish mumkin», — dedi Kapello Sky Italia nashriga bergan intervyusida.
Voltemade «Nyukasl»dan «Yuventus»ga sotib olish huquqisiz ijara asosida o‘tgan. «Selta» darvozasiga urilgan gol nemis hujumchisi uchun Turin klubi safidagi ikkinchi gol bo‘ldi.
