«Manchester Yunayted»ning sobiq himoyachisi Pol Parker «Manchester Siti» hujumchisi Erling Xolandni «Old Trafford»ga taklif qilmasligini aytdi. Sobiq futbolchining fikricha, klub e’tiborini himoya chizig‘ini kuchaytirishga qaratishi kerak.
«Balki bunday transferni amalga oshirishning o‘zi real emasdir, ammo men Xolannni «Manchester Yunayted»ga olmagan bo‘lardim. Uning o‘yin uslubini hisobga olganda, uni klubda ko‘rishni istamasdim. Undan voz kechgan bo‘lardim. Ko‘pchilik uchun u aniq tanlov bo‘lishi mumkin, ammo men uchun emas. U meni umuman qiziqtirmaydi», — dedi Parker Mirror nashriga bergan intervyusida.
Parker himoya chizig‘ini kuchaytirish uchun ehtimoliy nomzodlar sifatida Niko O’Rayli va Mark Gexini tilga oldi.
