«Манчестер Юнайтед»нинг собиқ ҳимоячиси Пол Паркер «Манчестер Сити» ҳужумчиси Эрлинг Холандни «Олд Траффорд»га таклиф қилмаслигини айтди. Собиқ футболчининг фикрича, клуб эътиборини ҳимоя чизиғини кучайтиришга қаратиши керак.
«Балки бундай трансферни амалга оширишнинг ўзи реал эмасдир, аммо мен Холаннни «Манчестер Юнайтед»га олмаган бўлардим. Унинг ўйин услубини ҳисобга олганда, уни клубда кўришни истамасдим. Ундан воз кечган бўлардим. Кўпчилик учун у аниқ танлов бўлиши мумкин, аммо мен учун эмас. У мени умуман қизиқтирмайди», — деди Паркер Mirror нашрига берган интервьюсида.
Паркер ҳимоя чизиғини кучайтириш учун эҳтимолий номзодлар сифатида Нико О’Райли ва Марк Гехини тилга олди.
