Germaniya Bundesligasining 6-turidan o‘rin olgan «Bavariya» va «RB Leypsig» jamoalari o‘rtasidagi uchrashuv yakunlandi. Myunxendagi «Arena Myunxen» stadionida o‘tgan bahsda mezbonlar 6:1 hisobida yirik g‘alabaga erishdi.
Uchrashuvning 12-daqiqasida Luis Dias hisobni ochdi. 26-daqiqada Aleksandr Pavlovich myunxenliklarning ustunligini oshirdi, 34-daqiqada esa Maykl Olise uchinchi golni kiritdi.
Ikkinchi bo‘lim boshlanishi bilan Dias yana bir bor raqib darvozasini ishg‘ol qildi. 53-daqiqada Xarri Keyn hisobni 5:0 ko‘rinishiga keltirdi. 69-daqiqada esa Dias xet-trik qayd etib, «Bavariya»ning oltinchi golini urdi. Mehmonlar faqat 90+1-daqiqada Andriya Maksimovichning goli bilan javob qaytardi.
Ushbu g‘alabadan keyin «Bavariya» 14 ochko bilan Bundesliga jadvalida peshqadamlik qilmoqda. «RB Leypsig» esa to‘qqiz ochko bilan yettinchi o‘rinda bormoqda.
Germaniya chempionati, 6-tur
«Bavariya» — «RB Leypsig» 6:1
Gollar: Luis Dias, 12 (1:0), Aleksandr Pavlovich, 26 (2:0), Maykl Olise, 34 (3:0), Luis Dias, 47 (4:0), Garri Keyn, 53 (5:0), Luis Dias, 69 (6:0), Andriya Maksimovich, 90+1 (6:1).
