"Barselona"ning 19 yoshli futbolchisi Xavi Espart "PSJ" va Madridning "Real" klubiga qarshi bo‘lajak uchrashuvlar haqida fikr bildirdi.
Kataloniyaliklar 20 oktyabr kuni Chempionlar ligasi doirasida safarda Parij klubiga qarshi maydonga tushadi. 25 oktyabr, yakshanba kuni esa o‘z maydonida "Real"ni qabul qiladi.
"Ko‘k-anorranglilar" ushbu ikkita muhim to‘qnashuvga ajoyib formada yetib kelmoqda. Shanba kuni Hans-Diter Flik shogirdlari safarda "Betis"ni 5:2 hisobida mag‘lub etib, ketma-ket g‘alabalari sonini 11 taga yetkazdi.
"Bu, shubhasiz, o‘ziga xos uchrashuv bo‘ldi. Agar bundan keyin ham shunday ahil va hamjihat bo‘lib o‘ynasak, katta muvaffaqiyatlarga erisha olamiz. Hozir ajoyib sport formasiga kirganmiz, hamma bor kuchini ishga solmoqda.
Endi bizni "PSJ" va "Real"ga qarshi o‘yinlar kutmoqda. Aynan shunday uchrashuvlarda ishtirok etishni bolalikdan orzu qilasan", — deya Espartning so‘zlarini keltiradi Barca Universal.
"Barselona" 27 ochko jamg‘argan holda Ispaniya La Ligasi turnir jadvalida peshqadamlik qilmoqda.
