O‘zbekiston Superligasining 24-tur uchrashuvlariga tashrif buyurgan muxlislar soni ma’lum qilindi.
O‘zbekiston professional futbol ligasi (O‘zPFL) taqdim etgan ma’lumotlarga ko‘ra, tur doirasidagi 8 ta uchrashuvni stadionlardan jami 45 538 nafar muxlis tomosha qilgan.
Eng yuqori ko‘rsatkich «Navbahor» — «Paxtakor» bahsida qayd etildi. Namangan markaziy stadionida o‘tkazilgan uchrashuvga 22 751 nafar tomoshabin tashrif buyurgan. Bu turdagi barcha o‘yinlarga kelgan muxlislarning qariyb yarmini tashkil etadi.
Ikkinchi o‘rinni «Qo‘qon-1912» — «Neftchi» uchrashuvi egalladi. Qo‘qon markaziy stadionidagi bahsni 6 901 nafar muxlis kuzatgan.
Kuchli uchlikdan «Andijon» — «Qizilqum» o‘yini ham joy oldi. «Bobur Arena»da o‘tkazilgan mazkur bahsga 5 679 nafar muxlis kelgan.
24-tur uchrashuvlariga tashrif buyurgan muxlislar soni:
-
«Navbahor» — «Paxtakor»: 22 751 nafar;
-
«Qo‘qon-1912» — «Neftchi»: 6 901 nafar;
-
«Andijon» — «Qizilqum»: 5 679 nafar;
-
«Lokomotiv» — «Nasaf»: 3 650 nafar;
-
«Dinamo» — «Buxoro»: 3 221 nafar;
-
«Bunyodkor» — «So‘g‘diyona»: 2 553 nafar;
-
«Mash’al» — OKMK: 436 nafar;
-
«Surxon» — «Xorazm»: 347 nafar.
Shu tariqa, 24-turdagi bitta uchrashuvga o‘rtacha 5 692 nafar muxlis tashrif buyurgan.
