«Roma» klubi afsonasi Franchesko Totti futbolchilik faoliyati davomidagi eng baxtli kuni haqida berilgan savolga javob berdi.
— Hayotingizdagi eng baxtli kun qaysi? Italiya chempionligini qo‘lga kiritgan kuningizmi yoki jahon chempioni bo‘lgan paytingizmi?
— Yo‘q. Bu Kristian tug‘ilgan kun edi. O‘sha paytda men Messinada o‘yinda edim. Tug‘uruqxonaga yetib borgunimcha, u allaqachon dunyoga kelgandi.
O‘g‘limni qo‘limga olganimda, «baxt» degan so‘z aslida nimani anglatishini tushunib yetdim, — dedi Totti Corriere della Sera nashriga bergan intervyusida.
Qayd etish joiz, Franchesko Tottining o‘g‘li Kristian ham otasining izidan borib, futbolchi bo‘lishga harakat qilgan. Biroq u 19 yoshidayoq professional futbolchilik faoliyatini yakunlashga qaror qilgan.
Aftidan, Tottining o‘g‘li futbolda o‘z o‘rnini topa olmagan. Ayni paytda Kristian 20 yoshda.
Eslatib o‘tamiz, Franchesko Totti 2001 yilda «Roma» bilan Italiya chempioni bo‘lgan. 2006 yilda esa Italiya terma jamoasi safida Jahon kubogini qo‘lga kiritgan.
