«Liverpul» himoya chizig‘ini kuchaytirish maqsadida Italiya chempionatidan yangi futbolchi topdi. Bu haqda Football Insider xabar bermoqda.
Manbaga ko‘ra, mersisaydliklar «Yuventus» himoyachisi Pyer Kalyulyuni o‘z safiga qo‘shib olishga qiziqmoqda. «Liverpul» fransuz futbolchisini qishki transfer oynasida xarid qilish imkoniyatini ko‘rib chiqmoqda.
Kalyulyuning Turin klubi bilan amaldagi shartnomasi 2029 yilning yoziga qadar mo‘ljallangan. Transfermarkt portali himoyachining transfer qiymatini 32 million yevro deb baholamoqda.
Pyer Kalyulyu avval «Milan»da to‘p surgan, keyinchalik «Yuventus» safiga o‘tgan.
