Fransiya terma jamoasining sobiq himoyachisi, 1998 yilgi jahon chempioni Biksant Lizarazyu 2026 yilgi «Oltin to‘p» mukofotiga kim munosib ekani haqida fikr bildirdi.
Nufuzli mukofotni topshirish marosimiga bir hafta qoldi. Tantanali tadbir 26 oktyabr kuni Londonda bo‘lib o‘tadi.
Lizarazyuning fikricha, «Barselona»ning yosh yulduzi Lamin Yamal mazkur sovrinni qo‘lga kiritishga eng munosib futbolchi hisoblanadi.
«Men doimo o‘z mezonlarimga amal qilishga harakat qilaman. Birinchi mezon — jamoaviy yutuqlar.
Ortimizda ikkita juda muhim musobaqa — Chempionlar ligasi va jahon chempionati o‘tkazilgan mavsum qoldi.
Shu sababli asosiy da’vogarlar qatorida Xvicha Kvarasxeliya, Lamin Yamal va Usmon Dembeleni ko‘raman.
Ikkinchi mezon esa futbolchining maydondagi daholigi. Bu borada men uchun faqat bitta nomzod bor — Yamal.
Uning so‘nggi paytlarda maydonda ko‘rsatayotgan o‘yinini bir ko‘ring. Uning darajasi yanada oshdi.
To‘g‘ri, Yamal 2026 yilgi jahon chempionatida qandaydir favqulodda o‘yin namoyish etmadi. Ammo u baribir jahon chempioni bo‘ldi, Ispaniya chempionligini qo‘lga kiritdi.
U fenomenal futbolchi», — deya Lizarazyuning so‘zlarini keltiradi Actu Foot.
Eslatib o‘tamiz, 2025 yilgi «Oltin to‘p» mukofoti Usmon Dembelega nasib etgan edi.
Lamin Yamal esa o‘sha yilgi ovoz berish natijalariga ko‘ra ikkinchi o‘rinni egallagan.
