«Manchester Yunayted» bosh murabbiyi Maykl Karrik jamoaning Angliya Premyer-ligasidagi qoniqarsiz natijalari haqida fikr bildirdi.
Mankunianliklar yakshanba kuni APLning 7-turida «Lids»ga qarshi safar uchrashuvini 1:1 hisobidagi durang bilan yakunlab, yana g‘alaba qozona olishmadi.
Karrik jamoadagi muammolarni tan olib, hozirgi murakkab vaziyatdan chiqish yo‘lini topish zarurligini ta’kidladi.
«Quloq soling, biz hech qachon hammasi ajoyib ketayotgandek munosabatda bo‘lmaymiz.
Men vaziyatga real qarayman. Ammo ba’zan haqiqatan ham qiyinchiliklarga duch kelishga to‘g‘ri keladi.
Shunday paytlar bo‘ladiki, barcha muammolarni yengib o‘tishning yo‘lini topish zarur bo‘ladi.
Biz ilgari bunday vaziyatni boshdan kechirmaganmiz. Lekin endi undan chiqish yo‘lini topishimiz shart», — dedi Karrik matbuot anjumanida.
Qayd etish joiz, «Manchester Yunayted» Angliya Premyer-ligasining dastlabki yettita turida atigi 7 ochko jamg‘ardi.
Ayni paytda mankunianliklar musobaqa jadvalida 13-o‘rinni egallab turibdi.
