"Yuventus" markaziy himoyachisi Gleyson Bremer Italiya A Seriyasining 7-turida "Lasio"dan uchralgan yirik mag‘lubiyatga munosabat bildirdi.
Turinliklar o‘z maydonida Rim klubiga 0:3 hisobida imkoniyatni boy berishdi. Braziliyalik futbolchi jamoasining o‘yinidan qattiq norozi ekanini yashirmadi.
"Yuventus" juda yomon o‘yin o‘tkazdi. Hozir jamoadagi kayfiyat nihoyatda tushkun.
Biz yo‘l qo‘ygan xatolarimizni tahlil qilib, butun e’tiborimizni keyingi uchrashuvga qaratishimiz kerak.
Birinchi golgacha yomon harakat qilmayotgandik. Ammo hozirgi "Yuventus" bir necha yil avvalgi jamoaga o‘xshamaydi.
Shunga qaramay, men hech kimni ayblashni istamayman", — deya Bremerning so‘zlarini keltiradi jurnalist Janluka Di Marsio sayti.
Qayd etish joiz, "Yuventus" Italiya chempionatining dastlabki yettita turida 11 ochko jamg‘argan.
Ayni paytda turinliklar A Seriya turnir jadvalida sakkizinchi o‘rinni egallab turibdi.
