"Ювентус" марказий ҳимоячиси Глейсон Бремер Италия А Сериясининг 7-турида "Лацио"дан учралган йирик мағлубиятга муносабат билдирди.

Туринликлар ўз майдонида Рим клубига 0:3 ҳисобида имкониятни бой беришди. Бразилиялик футболчи жамоасининг ўйинидан қаттиқ норози эканини яширмади.

"Ювентус" жуда ёмон ўйин ўтказди. Ҳозир жамоадаги кайфият ниҳоятда тушкун.

Биз йўл қўйган хатоларимизни таҳлил қилиб, бутун эътиборимизни кейинги учрашувга қаратишимиз керак.

Биринчи голгача ёмон ҳаракат қилмаётгандик. Аммо ҳозирги "Ювентус" бир неча йил аввалги жамоага ўхшамайди.

Шунга қарамай, мен ҳеч кимни айблашни истамайман", — дея Бремернинг сўзларини келтиради журналист Жанлука Ди Марцио сайти.

Қайд этиш жоиз, "Ювентус" Италия чемпионатининг дастлабки еттита турида 11 очко жамғарган.

Айни пайтда туринликлар А Серия турнир жадвалида саккизинчи ўринни эгаллаб турибди.