"Tottenxem" bosh murabbiyi Roberto De Dzerbi Angliya Premyer-ligasining 7-turida "Koventri"ga qarshi o‘yin oldidan Jeyms Meddisonning jismoniy holati haqida ma’lumot berdi.
Italiyalik mutaxassisning aytishicha, 29 yoshli yarim himoyachi asosiy tarkibda maydonga tushishga tayyor. Biroq uning uchrashuvni dastlabki daqiqalardan boshlashi hali aniq emas.
"Meddison "Koventri"ga qarshi o‘yinda asosiy tarkibda maydonga tushishga tayyor. Ammo uni boshlang‘ich tarkibga kiritamanmi yoki yo‘qmi, hozircha bilmayman.
Eng yaxshi jismoniy holatga qaytish uchun ko‘plab uchrashuvlarda ishtirok etish kerak.
Shu bilan birga, shunday futbolchilar borki, ular hatto 10–20 daqiqa o‘ynab ham uchrashuv natijasiga ta’sir ko‘rsata oladi.
Jeyms ana shunday futbolchilardan biri", — deya De Dzerbining so‘zlarini keltiradi Last Word On Spurs.
Meddison joriy mavsumda barcha musobaqalar doirasida beshta uchrashuvda ishtirok etdi. Biroq hozircha gol yoki golli uzatma qayd etmadi.
E’tiborlisi, angliyalik yarim himoyachi ushbu mavsumda hali biror marta asosiy tarkibda maydonga tushmagan.
"Tottenxem" va "Koventri" o‘rtasidagi uchrashuv 19 oktyabrdan 20 oktyabrga o‘tar kechasi Toshkent vaqti bilan soat 00:00 da boshlanadi.
