«Tottenxem» bosh murabbiyi Roberto De Dzerbi jamoaning braziliyalik hujumchisi Risharlison bilan bog‘liq vaziyat yuzasidan o‘z fikrini bildirdi.
Avvalroq londonliklar futbolchini asosiy tarkibdan chetlatgani haqida xabarlar tarqalgandi. Bunga Risharlisonning so‘nggi lahzada «Everton»ga o‘tishdan bosh tortgani va bu qarori bilan klubni qiyin vaziyatda qoldirgani sabab sifatida ko‘rsatilmoqda.
Italiyalik mutaxassis esa futbolchiga nisbatan hech qanday qaror qabul qilmaganini ta’kidladi.
«Men bu haqda hech narsa bilmayman. Bu men hal qiladigan masala emas. Risharlison bo‘yicha hech qanday qaror qabul qilganim yo‘q. Savollaringizni klub rahbariyatiga berishingiz kerak.
Agar u men bilan gaplashmoqchi bo‘lsa, marhamat, kelsin. Qayerdan topishni yaxshi biladi. Men ertalab soat 8:30 dan kechgacha o‘z xonamda bo‘laman.
Mening hech kim bilan muammom yo‘q», — deya De Dzerbining so‘zlarini keltiradi The Touchline.
Hozircha Risharlisonning «Tottenxem»dagi keyingi taqdiriga aniqlik kiritilmagan.
