«PSJ» bosh murabbiyi Luis Enrike «Barselona» ustozi Hans-Diter Flik haqida o‘z fikrlarini bildirdi.
«Flik o‘zidan oldingi murabbiylarning barchasidan ko‘ra yaxshiroq natijalarga erishmoqda. U buni Myunxendayoq isbotlagan. Uning xarakteri, o‘yinga yondashuvi va matbuot anjumanlarini olib borish uslubi — bularning barchasi “Barselona”ning DNKsiga mos keladi.
Bu tushuncha ko‘p jihatlarni qamrab oladi, ammo eng avvalo jasorat va hujumkor futbolga intilishni talab etadi.
Bu borada Flik juda yaxshi ishlamoqda, natijalar esa buni yaqqol ko‘rsatib turibdi», — dedi Enrike matbuot anjumanida.
