"Barselona" prezidenti Joan Laporta Lamin Yamalning "PSJ"ga o‘tib ketish ehtimolidan xavotirda emasligini bildirdi.

Kataloniya klubi rahbaridan Parij jamoasi yosh yulduzga yuqoriroq maosh taklif qilib, uni o‘z safiga qo‘shib olishi mumkinligi haqida so‘rashdi.

Laporta bunday vaziyatdan tashvishlanmayotganini ta’kidlab, "Barselona" futbolchilar uchun yetarlicha qulay sharoit yaratib berayotganini aytdi.

"Yo‘q, bundan xavotir olmayapman. Biz o‘z imkoniyatlarimizga ishonamiz. "Barselona" futbolchilariga yaxshi maosh to‘laydi va bu doim shunday bo‘lgan.

Eng muhimi, o‘yinchilar klubda o‘zlarini qulay his qilishlari kerak.

Barselonadan tashqarida juda sovuq! Biz esa bu yerda baxtlimiz!

"Barselona" — faoliyati yaxshi tashkil etilgan, mustahkam tuzilmaga ega va samarali boshqariladigan ko‘p tarmoqli sport klubi. Futbolchilar buni qadrlashadi", — deya Laportaning so‘zlarini keltiradi The Touchline.

Eslatib o‘tamiz, Lamin Yamal 2026/2027 yilgi mavsumda "Barselona" safida 11 ta uchrashuvda maydonga tushib, 9 ta gol urdi va 10 ta golli uzatma amalga oshirdi.