"Bavariya" himoyachisi Jonatan Ta Chempionlar ligasida "Arsenal"ga qarshi o‘tkaziladigan uchrashuv oldidan londonliklar hujumchisi Kay Xaversning mahoratiga yuqori baho berdi.

Germaniyalik futbolchilar avvalroq "Bayer" safida birga to‘p surishgan. Ta sobiq jamoadoshini o‘n yildan buyon yaxshi tanishini ta’kidlab, uning imkoniyatlari hali ham yetarlicha qadrlanmayotganini bildirdi.

"Kay bilan o‘n yildan beri yaqin do‘stmiz. U ajoyib inson va juda kuchli futbolchi. Menimcha, uning salohiyati hali ham yetarlicha baholanmayapti.

Havers o‘ziga munosib e’tirofni olyapti, deb o‘ylamayman", — dedi Ta Times Sport nashriga bergan intervyusida.

Shuningdek, "Bavariya" himoyachisi "Arsenal"ning jamoaviy o‘yini haqida ham fikr bildirdi. Uning ta’kidlashicha, londonliklar o‘ziga xos futbol uslubini shakllantirgan va o‘tgan mavsumda ularga qarshi bahs olib borish ancha murakkab bo‘lgan.

Ta Myunxen klubi bosh murabbiyi Vensan Kompani bilan hamkorlik uning shaxsiy rivojlanishiga katta ta’sir ko‘rsatganini ham qayd etdi.

Uning so‘zlariga ko‘ra, belgiyalik mutaxassis nafaqat himoyadagi harakatlar, balki yetakchilik fazilatlari, shaxsiy o‘sish va futbolni maydon tashqarisida ham chuqur anglashga alohida e’tibor qaratadi.

Jonatan Ta Kompani qo‘l ostida ishlash uning himoyachi sifatida yanada takomillashishiga yordam berganini ta’kidladi.

Eslatib o‘tamiz, "Bavariya" va "Arsenal" o‘rtasidagi Chempionlar ligasi uchrashuvi 21 oktyabr, chorshanba kuni bo‘lib o‘tadi.