"PSJ" bosh murabbiyi Luis Enrike Chempionlar ligasida "Barselona" ustidan qozonilgan g‘alabadan (4:2) so‘ng shoshilinch xulosa chiqarmaslikka chaqirdi.
Parijliklar va kataloniyaliklar o‘rtasidagi uchrashuv ayni paytda Yevropaning eng kuchli ikki jamoasi to‘qnashuvi sifatida baholandi. Chempionlar ligasining amaldagi g‘oliblari yana bir bor o‘z kuchini namoyish etib, mavsum boshidan buyon o‘tkazgan avvalgi 11 ta uchrashuvining barchasida g‘alaba qozongan Xans-Diter Flik jamoasini mag‘lub etishga muvaffaq bo‘lishdi.
"Biz allaqachon birinchi savatchadagi jamoalarga qarshi ikkita o‘yin o‘tkazdik. Ammo shuni eslatib o‘tishim kerakki, o‘tgan mavsumda ham ushbu bosqichda xuddi shuncha ochko to‘plagandik, biroq yakunda kuchli sakkiztalikka kira olmagandik. Biz e’tiborimizni keyingi uchrashuvlarga qaratishimiz kerak", — deya Enrikening so‘zlarini keltiradi UYEFA matbuot xizmati.
"PSJ" 9 ochko bilan umumiy bosqich turnir jadvalida peshqadamlik qilmoqda. O‘tgan mavsumda Liga 1 grandi 11-o‘rinni egallagan, ammo pley-offning barcha bosqichlaridan muvaffaqiyatli o‘tib, ketma-ket ikkinchi marta musobaqa g‘olibi bo‘lgan edi.
