Dam olish kunlari Ispaniya La Ligasida muhim uchrashuv bo‘lib o‘tadi — "Barselona" o‘z maydonida "Real"ni qabul qiladi. Mundo Deportivo xabar berishicha, kataloniyaliklar himoyachisi Jyul Kundening ushbu bahsda maydonga tushish ehtimoli past.
"Ko‘k-anorranglilar" murabbiylar shtabi fransiyalik futbolchining "el-klasiko"gacha jarohatidan tiklanish imkoniyatini yuqori baholamayotgani aytilmoqda.
Ma’lumki, Kunde "Betis"ga qarshi uchrashuvda to‘piq bo‘g‘imi boylamlarini cho‘zib olgan edi. Shundan so‘ng fransiyalik himoyachi Chempionlar ligasida "PSJ"ga qarshi o‘yinni o‘tkazib yubordi. Parijda "Barselona" joriy mavsumdagi ilk mag‘lubiyatini qabul qilib, 2:4 hisobida imkoniyatni boy berdi.
"Barselona" va "Real" o‘rtasidagi uchrashuv 26 oktyabrga o‘tar kechasi Toshkent vaqti bilan soat 01:00 da boshlanadi.
