Chempionlar ligasi umumiy bosqichining 3-turida Myunxenning "Bavariya" klubi Londonning "Arsenal" jamoasini qabul qildi. "Arena Myunxen" stadionida kechgan qiziqarli bahs 2:2 hisobidagi durang bilan yakunlandi.

Uchrashuvning 10-daqiqasida mehmonlar jiddiy yo‘qotishga uchradi. Jarohat olgan Bukayo Saka o‘yinni davom ettira olmadi va uning o‘rniga Eberechi Eze maydonga tushdi.

Aynan Eze 25-daqiqada hisobni ochib, londonliklarni oldinga olib chiqdi. Biroq 35-daqiqada Alfonso Devis javob golini kiritib, muvozanatni tikladi.

Ikkinchi bo‘limning 61-daqiqasida "Bavariya" hujumchisi Garri Keyn penaltidan unumli foydalanib, mezbonlarni hisobda oldinga olib chiqdi.

Shunga qaramay, "Arsenal" mag‘lubiyatdan qutulishga muvaffaq bo‘ldi. 82-daqiqada Deklan Rays raqib darvozasini ishg‘ol qilib, hisobni tenglashtirdi — 2:2.

Chempionlar ligasining 4-turida "Bavariya" 3 noyabr kuni Madridning "Atletiko" klubiga qarshi maydonga tushadi. "Arsenal" esa 4 noyabrda Praganing "Slaviya" jamoasi bilan kuch sinashadi.

Chempionlar ligasi. Umumiy bosqich, 3-tur

"Bavariya" — "Arsenal" — 2:2

Gollar: Devis (35), Keyn (61, penalti) — Eze (25), Rays (82).