"Komo" bosh murabbiyi Sesk Fabregas Chempionlar ligasi umumiy bosqichining 3-turida "Manchester Yunayted" ustidan qozonilgan g‘alabadan keyin o‘z fikrlarini bildirdi.
"Bu biz uchun o‘ziga xos oqshom bo‘ldi, ammo hali yo‘limizning boshidamiz. Bugun jamoa yaxshi o‘ynadi, biroq xotirjamlikka berilmasligimiz kerak. Shanba kuni bizni yana bir uchrashuv kutmoqda.
Biz har bir o‘yinga puxta tayyorgarlik ko‘ramiz va raqobatbardosh bo‘lishga intilamiz. Italiya kubogida "Inter"ga, shuningdek, "Napoli" va "Roma"ga qarshi bahslarda ham shunday yondashganmiz.
Tayyorgarlik juda muhim, lekin futbolchilarning o‘z kuchiga bo‘lgan ishonchi ham shunchalik ahamiyatli. Bunday ishonchsiz muvaffaqiyatga erishish ancha qiyin.
Bugungi raqibimiz "Manchester Yunayted" edi. Ularning hozir eng yaxshi davrni boshdan kechirmayotgani unchalik muhim emas. Jamoamizdagi ayrim futbolchilar Chempionlar ligasida bor-yo‘g‘i uchinchi o‘yinini o‘tkazganini ham unutmasligimiz kerak.
Shogirdlarimning o‘zlariga bo‘lgan ishonchi va ishga munosabati menga kuch bag‘ishlaydi.
Bunday g‘alaba, albatta, mamnuniyat keltiradi. Ammo eng qiyin vazifa endi boshlanadi — shanba kuni ham bugungidek saviyada o‘ynashimiz kerak", — dedi Fabregas.
