Madridning "Real" klubi sobiq futbolchisi Guti jamoa yarim himoyachisi Arda Gyulerdan esdalik sovg‘asi olganini ma’lum qildi.
Turkiyalik futbolchi Chempionlar ligasida "RB Leypsig"ga qarshi uchrashuvdan so‘ng Gutiga o‘z imzosi tushirilgan futbolkasini sovg‘a qilgan.
"Arda Gyuler menga dastxati tushirilgan futbolkasini sovg‘a qildi. Bundan juda xursandman. Men undan bu futbolkani anchadan beri so‘rayotgan edim. Nihoyat, u menda!
Gyuler futbolkaga "Afsonaviy Gutiga" deb yozib qo‘yibdi", — dedi "Real"ning sobiq futbolchisi.
Eslatib o‘tamiz, Chempionlar ligasi umumiy bosqichining 3-turida "Real" o‘z maydonida "RB Leypsig"ni 4:1 hisobida yirik mag‘lubiyatga uchratdi. Madridliklarning gollaridan biriga Arda Gyuler mualliflik qildi.
Turkiyalik yarim himoyachi joriy mavsumda barcha musobaqalar doirasida 11 ta uchrashuvda ishtirok etib, 3 ta gol urdi va 5 ta golli uzatmani amalga oshirdi.
