Мадриднинг "Реал" клуби собиқ футболчиси Гути жамоа ярим ҳимоячиси Арда Гюлердан эсдалик совғаси олганини маълум қилди.
Туркиялик футболчи Чемпионлар лигасида "РБ Лейпциг"га қарши учрашувдан сўнг Гутига ўз имзоси туширилган футболкасини совға қилган.
"Арда Гюлер менга дастхати туширилган футболкасини совға қилди. Бундан жуда хурсандман. Мен ундан бу футболкани анчадан бери сўраётган эдим. Ниҳоят, у менда!
Гюлер футболкага "Афсонавий Гутига" деб ёзиб қўйибди", — деди "Реал"нинг собиқ футболчиси.
Эслатиб ўтамиз, Чемпионлар лигаси умумий босқичининг 3-турида "Реал" ўз майдонида "РБ Лейпциг"ни 4:1 ҳисобида йирик мағлубиятга учратди. Мадридликларнинг голларидан бирига Арда Гюлер муаллифлик қилди.
Туркиялик ярим ҳимоячи жорий мавсумда барча мусобақалар доирасида 11 та учрашувда иштирок этиб, 3 та гол урди ва 5 та голли узатмани амалга оширди.
