«Bavariya» bosh murabbiyi Vensan Kompani Chempionlar ligasida «Arsenal»ga qarshi uchrashuvda jarohat olgan Luis Dias va Kim Min Jening holati haqida ma’lumot berdi.
Belgiyalik mutaxassis har ikki futbolchining jarohati jiddiy emasligiga umid bildirmoqda.
«Ularda jiddiy muammo yo‘q, deb umid qilaman. Albatta, tibbiy tekshiruv natijalarini kutishimiz kerak.
Biroq menimcha, og‘ir jarohat xavfini istisno qilish mumkin. Ehtimol, ular hatto bir haftadan kamroq muddatni o‘tkazib yuborishar», — deya Kompanining so‘zlarini keltiradi Bayern & Germany.
Eslatib o‘tamiz, «Bavariya» Chempionlar ligasi umumiy bosqichining 3-turida o‘z maydonida «Arsenal» bilan 2:2 hisobida durang o‘ynadi.
Myunxenliklar ushbu natijadan so‘ng 5 ochko jamg‘argan holda umumiy bosqich turnir jadvalida 14-o‘rinni egallab turibdi.
