Belgiyaning «Bryugge» klubi hujumchisi Nikolo Tresoldi Angliya Premyer-ligasining bir qator jamoalari e’tiborini tortmoqda.
Insayder Ekrem Konurning ijtimoiy tarmoqlarda tarqatgan ma’lumotiga ko‘ra, nemis futbolchisining o‘yinini «Manchester Siti», «Chelsi», «Nyukasl», «Lids» va «Everton» klublari diqqat bilan kuzatmoqda.
Mazkur jamoalar Tresoldining joriy mavsumdagi harakatlaridan taassurot olgan va uning transferiga qiziqish bildirmoqda.
Ayni paytda hujumchining transfer qiymati 35 million yevroga baholanmoqda. Uning «Bryugge» bilan amaldagi shartnomasi 2029 yil yoziga qadar mo‘ljallangan.
Nikolo Tresoldi joriy mavsumda Belgiya chempionatining 8 ta uchrashuvida maydonga tushib, 4 ta gol urgan.
