Бельгиянинг «Брюгге» клуби ҳужумчиси Николо Тресольди Англия Премьер-лигасининг бир қатор жамоалари эътиборини тортмоқда.

Инсайдер Экрем Конурнинг ижтимоий тармоқларда тарқатган маълумотига кўра, немис футболчисининг ўйинини «Манчестер Сити», «Челси», «Ньюкасл», «Лидс» ва «Эвертон» клублари диққат билан кузатмоқда.

Мазкур жамоалар Тресольдининг жорий мавсумдаги ҳаракатларидан таассурот олган ва унинг трансферига қизиқиш билдирмоқда.

Айни пайтда ҳужумчининг трансфер қиймати 35 миллион еврога баҳоланмоқда. Унинг «Брюгге» билан амалдаги шартномаси 2029 йил ёзига қадар мўлжалланган.

Николо Тресольди жорий мавсумда Бельгия чемпионатининг 8 та учрашувида майдонга тушиб, 4 та гол урган.