«Oltin to‘p»ning rasmiy saytida barcha davrlarning eng yaxshi «Oltin to‘p» sohibi uchun ovoz berish natijalari onlayn e’lon qilindi.
Unda tarixda nufuzli mukofotni kamida ikki marta qo‘lga kiritgan futbolchilar ishtirok etmoqda.
Ayni paytda Krishtianu Ronaldu ishonchli tarzda peshqadamlik qilmoqda — u ovozlarning 75 foizini to‘plagan.
Gap portugaliyalik futbolchining 2008 yilda «Manchester Yunayted» safida qo‘lga kiritgan «Oltin to‘p»i haqida bormoqda.
Ikkinchi o‘rinda Lionel Messi bormoqda. Uning 2012 yildagi «Oltin to‘p»i ovozlarning 9 foizini olgan.
Kuchli uchlikka Ronalduning yana bir sovrini — 2017 yilgi «Oltin to‘p» ham kirdi. Hozircha u 6 foiz ovoz to‘plagan.
Ovoz berish 27 oktyabr kuni kechqurun yakunlanadi. G‘olib esa ertasi kuni e’lon qilinadi. Ta’kidlash joizki, gap rasmiy mukofot haqida emas, balki muxlislar o‘rtasidagi ovoz berish jarayoni haqida bormoqda.
