«Олтин тўп»нинг расмий сайтида барча даврларнинг энг яхши «Олтин тўп» соҳиби учун овоз бериш натижалари онлайн эълон қилинди.
Унда тарихда нуфузли мукофотни камида икки марта қўлга киритган футболчилар иштирок этмоқда.
Айни пайтда Криштиану Роналду ишончли тарзда пешқадамлик қилмоқда — у овозларнинг 75 фоизини тўплаган.
Гап португалиялик футболчининг 2008 йилда «Манчестер Юнайтед» сафида қўлга киритган «Олтин тўп»и ҳақида бормоқда.
Иккинчи ўринда Лионель Месси бормоқда. Унинг 2012 йилдаги «Олтин тўп»и овозларнинг 9 фоизини олган.
Кучли учликка Роналдунинг яна бир соврини — 2017 йилги «Олтин тўп» ҳам кирди. Ҳозирча у 6 фоиз овоз тўплаган.
Овоз бериш 27 октябрь куни кечқурун якунланади. Ғолиб эса эртаси куни эълон қилинади. Таъкидлаш жоизки, гап расмий мукофот ҳақида эмас, балки мухлислар ўртасидаги овоз бериш жараёни ҳақида бормоқда.
