Londonning "Arsenal" klubi vingeri Xristos Solis jarohatidan tiklanish jarayonini muvaffaqiyatli davom ettirmoqda. Gresiyalik futbolchi kelasi haftayoq maydonga qaytishi mumkin.
Jurnalist Konnor Xemmning ijtimoiy tarmoqda ma’lum qilishicha, Solisning safga qaytishi uchun eng ehtimoliy muddat Angliya kubogida "Flitvud"ga yoki Premyer-ligada "Liverpul"ga qarshi uchrashuvlar hisoblanmoqda.
Har ikki bahs ham kelasi hafta o‘tkazilishi rejalashtirilgan.
Eslatib o‘tamiz, Xristos Solis 2026 yil yozida "Arsenal" safiga qo‘shilgan edi. Biroq kuzda milliy terma jamoalar o‘yinlari uchun ajratilgan dastlabki tanaffus vaqtida jarohat olib, bir necha haftaga safdan chiqqan.
Gresiyalik vinger hozirgacha "kanonirlar" tarkibida 8 ta uchrashuv o‘tkazib, 4 ta golli uzatmani amalga oshirgan.
Shuningdek, chorshanba kuni Chempionlar ligasida "Bavariya"ga qarshi kechgan uchrashuvda "Arsenal"ning yana bir qanot hujumchisi Bukayo Saka jarohat olgan edi.
