Yevropa Chempionlar Ligasi 3-turidan so‘ng Opta superkompyuteri jamoalarning musobaqada g‘olib chiqish va pley-off bosqichiga yo‘llanma olish imkoniyatlarini baholadi. Turnir jadvalida ayrim jamoalar yuz foizlik natija qayd etayotgan bo‘lsa-da, superkompyuter hisob-kitoblariga ko‘ra, chempionlik uchun asosiy da’vogarlar qatorida boshqa klublar ham bor.
Tahlillarga ko‘ra, hozirda 7 ochko bilan turnir jadvalining yettinchi pog‘onasida borayotgan Londonning “Arsenal” klubi musobaqa g‘olibligi uchun eng asosiy da’vogar hisoblanadi. Jamoaning chempionlik imkoniyati 20,26 foizga baholangan. Keyingi o‘rinlarda “Bavariya” (15,24 foiz) va “Manchester Siti” (13,75 foiz) bormoqda.
E’tiborli jihati, hozirda 9 ochko jamg‘argan “Real Madrid”, “Liverpul” va “Aston Villa” klublarining chempionlik imkoniyatlari superkompyuter tomonidan nisbatan past baholangan. Parijda o‘tgan so‘nggi tur uchrashuvida mag‘lubiyatga uchragan “Barselona” esa chempionlik uchun eng kuchli besh da’vogar qatorida qolmoqda.
Opta talqiniga ko‘ra, turnirda g‘olib chiqish imkoniyati eng yuqori bo‘lgan jamoalar (Top-10):
1. “Arsenal” — 20,26%
2. “Bavariya” — 15,24%
3. “Manchester Siti” — 13,75%
4. “PSJ” — 11,54%
5. “Barselona” — 10,4%
6. “Liverpul” — 7,15%
7. “Real Madrid” — 5,73%
8. “Aston Villa” — 4,04%
9. “Borussiya Dortmund” — 1,53%
10. “Atletiko Madrid” — 1,23%
Ma’lumot uchun, 2026/27-yilgi Chempionlar Ligasi finali 2027 yil 5 iyun kuni Ispaniyaning Madrid shahridagi “Metropolitano” stadionida o‘tkaziladi.
