"Bavariya"ning sobiq darvozaboni Oliver Kan myunxenliklar hujumchisi Xarri Keynning "Oltin to‘p"ni qo‘lga kiritish imkoniyatlari haqidagi fikrlari bilan o‘rtoqlashdi.
"Menimcha, Xarri Keyn bu sovringa munosib. Birinchidan, u urgan gollari soni tufayli. Ammo u shunchaki gol uradigan hujumchi emas. U golli uzatmalarni amalga oshirish mahoratiga ham ega.
U haqiqiy yetakchi, qolaversa, jamoa uchun o‘zi bilan ishlash qulay bo‘lgan yetakchi. Jamoada u asabga tegadigan yoki doimiy ravishda barchaga bosim o‘tkazadigan futbolchi sifatida qabul qilinmaydi. Bu ham juda muhim.
U Chempionlar ligasining yarim finaliga, jahon chempionatining yarim finaligacha yetib bordi va bu natijalarga erishishda salmoqli hissa qo‘shdi.
Albatta, "Oltin to‘p"ni topshirishda ko‘pincha Chempionlar ligasi yoki, ehtimol, jahon chempionati g‘olibiga ustunlik berilishini tushunaman.
Biroq umumiy manzaraga nazar tashlasak va faqat qo‘lga kiritilgan sovrinlarni baholash bilan cheklanmasak, menimcha, u bu mukofotga mutlaqo munosib", — dedi Oliver Kan.
