Turkiyaning «Galatasaroy» klubi yarim himoyachisi Aleksey Batrakov Angliya Premyer-ligasining bir qator yetakchi jamoalari e’tiboriga tushdi.
TEAMtalk nashrining xabar berishicha, 21 yoshli rossiyalik futbolchining xizmatlariga «Arsenal», «Liverpul», «Manchester Siti», «Manchester Yunayted» va «Chelsi» qiziqish bildirmoqda.
Manba ma’lumotiga ko‘ra, «Arsenal» va «Liverpul» vakillari Chempionlar ligasida «Galatasaroy»ning «Lill»ga qarshi uchrashuvini bevosita kuzatib, Batrakovning harakatlarini baholashgan.
Turkiya klubining 4:2 hisobidagi g‘alabasi bilan yakunlangan mazkur bahsda rossiyalik yarim himoyachi ham o‘z nomini tabloga yozdirib qo‘ygan.
Qayd etish joiz, Aleksey Batrakovning «Galatasaroy» bilan amaldagi shartnomasi 2031 yil 30 iyunga qadar mo‘ljallangan.
Ayni paytda futbolchining transfer bozoridagi qiymati 28 million yevroga baholanmoqda.
