«Barselona» yarim himoyachisi Fermin Lopes «Real»ga qarshi «el-klasiko» oldidan raqibning eng xavfli ikki futbolchisini aytdi.
«Kurtua jamoasiga ko‘p ochkolar keltiradi, ajoyib seyvlar amalga oshiradi. Mbappe esa o‘yin taqdirini hal qila oladi va ko‘plab gollar uradi. Imkonim bo‘lganida, ularning ikkalasini ham maydondan chetlatardim!» — dedi Lopes.
«Barselona» va «Real» o‘rtasidagi bahs 26 oktyabr kuni Toshkent vaqti bilan soat 01:00 da «Kamp Nou» stadionida boshlanadi.
La Ligada 9 turdan so‘ng kataloniyaliklar 27 ochko bilan peshqadam, madridliklar esa 21 ochko bilan uchinchi o‘rinda bormoqda.
