«Komo» Italiya chempionatining 8-turida o‘z maydonida «Sassuolo»ni mag‘lub etdi. Sesk Fabregas shogirdlari 2:0 hisobida g‘alaba qozondi.
Birinchi bo‘limda darvozalar ishg‘ol etilmadi. Ammo tanaffusdan keyin mezbonlar tezda hisobni ochishga muvaffaq bo‘ldi. 49-daqiqada Duvikas raqib darvozasiga to‘p kiritib, «Komo»ni oldinga olib chiqdi. Bu gol jamoaga ishonch bag‘ishladi va raqib himoyasiga bosimni kuchaytirish imkonini berdi.
60-daqiqada grek hujumchisi yana bir bor o‘zini ko‘rsatdi. Duvikas dubl qayd etib, jamoasining ustunligini ikki karra oshirdi. Ikkinchi goldan keyin «Sassuolo» hisobni qisqartirishga urindi, biroq mezbonlar darvozasiga yo‘l topa olmadi. Natijada «Komo» uchrashuvni g‘alaba bilan yakunladi.
