Londonning "Chelsi" klubi himoyachisi Malo Gyusto Angliya Premyer-ligasining boshqa jamoasiga o‘tishi mumkin. Bu haqda Teamtalk xabar bermoqda.
Jurnalistlar ma’lumotlariga ko‘ra, fransuz futbolchisining xizmatlariga "Manchester Siti" qiziqish bildirmoqda. "Shaharliklar" "Chelsi" transfer bo‘yicha moliyaviy talablarini pasaytirgan taqdirdagina Gyustoni sotib olishga tayyor bo‘ladi. Avvalroq London klubi futbolchining transfer qiymatini 83 million yevro deb baholayotgani haqida xabar berilgandi.
23 yoshli qanot himoyachisi 2023 yil yanvar oyida "Chelsi" safiga qo‘shilgan. Tomonlar o‘rtasidagi amaldagi shartnoma 2030 yil iyun oyining oxirigacha tuzilgan.
Himoyachi joriy mavsumda Angliya Premyer-ligasida beshta uchrashuvda maydonga tushdi.
