Madridning "Real" klubida to‘p surayotgan 20 yoshli braziliyalik hujumchi Endrik qishki transfer oynasida jamoani tark etishni rejalashtirmoqda. Bu haqda futbol insayderi Matteo Moretto xabar berdi.
Jurnalistning ta’kidlashicha, futbolchi o‘yin vaqti yetishmayotgani sababli jamoadan ketmoqchi. Hujumchiga asosiy da’vogarlar Italiyaning "Roma" va "Milan" klublari hisoblanadi.
Joriy mavsumda Endrik "Real" safida barcha musobaqalarda to‘rtta uchrashuvda maydonga tushib, bitta gol urdi. Bugun "qaymoqranglilar" Ispaniya chempionatining 10-turida "Barselona" bilan uchrashadi.
