"Inter", "Milan" va "Fiorentina"ning sobiq bosh murabbiyi Stefano Pioli Italiya chempionatida murabbiylik faoliyatini davom ettirish istagi borligini ma’lum qildi.
"Xorijda ishlashni davom ettirish ehtimolini istisno qilmayman, biroq Italiyada qolishni afzal ko‘rardim. Bu yerda nimanidir isbotlashni istayman. Boshqa mamlakatlardan ko‘plab takliflar bo‘ldi, ammo ular orasida Ispaniya, Angliya yoki Fransiya klublaridan takliflar yo‘q edi. Italiyada ham menga qiziqish bildirishdi, biroq bu unchalik kuchli emasdi".
Murabbiy, shuningdek, so‘nggi tajribasi omadsiz bo‘lganini tan oldi va ijtimoiy tarmoqlardagi tanqidlar haqida fikr bildirdi.
"Murabbiylik faoliyatimning vaqti o‘tdi, deb hisoblamayman. So‘nggi tajribam omadsiz bo‘ldi, ammo qalban hali ham yoshman va futbolga ko‘p narsa bera olishimga ishonaman. Bu sportning tabiati shunday: ijtimoiy tarmoqlarda odamlarga hissiyotlar ta’sirida tezda tamg‘a bosishadi. Ikkita g‘alaba qozonishing bilan seni hisobdan chiqarishni bas qilishadi".
