"Интер", "Милан" ва "Фиорентина"нинг собиқ бош мураббийи Стефано Пиоли Италия чемпионатида мураббийлик фаолиятини давом эттириш истаги борлигини маълум қилди.
"Хорижда ишлашни давом эттириш эҳтимолини истисно қилмайман, бироқ Италияда қолишни афзал кўрардим. Бу ерда ниманидир исботлашни истайман. Бошқа мамлакатлардан кўплаб таклифлар бўлди, аммо улар орасида Испания, Англия ёки Франция клубларидан таклифлар йўқ эди. Италияда ҳам менга қизиқиш билдиришди, бироқ бу унчалик кучли эмасди".
Мураббий, шунингдек, сўнгги тажрибаси омадсиз бўлганини тан олди ва ижтимоий тармоқлардаги танқидлар ҳақида фикр билдирди.
"Мураббийлик фаолиятимнинг вақти ўтди, деб ҳисобламайман. Сўнгги тажрибам омадсиз бўлди, аммо қалбан ҳали ҳам ёшман ва футболга кўп нарса бера олишимга ишонаман. Бу спортнинг табиати шундай: ижтимоий тармоқларда одамларга ҳиссиётлар таъсирида тезда тамға босишади. Иккита ғалаба қозонишинг билан сени ҳисобдан чиқаришни бас қилишади".
