«Inter» bosh murabbiyi Kristian Kivu Italiya A Seriyasining 8-turida «Fiorentina» ustidan 2:1 hisobida qozonilgan irodali g‘alabani izohladi. Uning shogirdlari uchrashuv davomida raqib darvozasi tomon 33 marta zarba berishdi.
«Biz uchrashuvga har tomonlama yaxshi tayyorgarlik ko‘rdik. Ammo taxminan 27 metr masofadan yo‘llangan zarbadan keyin gol o‘tkazib yubordik — to‘p darvozaning yuqori burchagiga borib tushdi. Jamoani tartib-intizom, mahorat yoki qat’iyat yetishmagani uchun ayblay olmayman.
Ko‘plab golli vaziyatlar yaratdik va oxir-oqibat maqsadimizga erishdik. Chunki o‘zimizni bosiq tutdik va o‘yin taqozo etgan tarzda harakat qildik», — dedi Kivu DAZN telekanaliga bergan intervyusida.
