«Интер» бош мураббийи Кристиан Киву Италия А Сериясининг 8-турида «Фиорентина» устидан 2:1 ҳисобида қозонилган иродали ғалабани изоҳлади. Унинг шогирдлари учрашув давомида рақиб дарвозаси томон 33 марта зарба беришди.
«Биз учрашувга ҳар томонлама яхши тайёргарлик кўрдик. Аммо тахминан 27 метр масофадан йўлланган зарбадан кейин гол ўтказиб юбордик — тўп дарвозанинг юқори бурчагига бориб тушди. Жамоани тартиб-интизом, маҳорат ёки қатъият етишмагани учун айблай олмайман.
Кўплаб голли вазиятлар яратдик ва охир-оқибат мақсадимизга эришдик. Чунки ўзимизни босиқ тутдик ва ўйин тақозо этган тарзда ҳаракат қилдик», — деди Киву DAZN телеканалига берган интервьюсида.
