«Arsenal» himoyachisi Ben Uayt Angliya terma jamoasiga qaytishni maqsad qilganini ma’lum qildi.
28 yoshli futbolchi «Everton»ga qarshi o‘yinda (2:0) «Arsenal» safidagi 200-uchrashuvini o‘tkazib, Gabriel Magalyaesning goliga assist qayd etdi. Bahsni Angliya termasi bosh murabbiyi Tomas Tuxel ham kuzatdi.
«Angliya termasida o‘ynash — o‘zgacha tuyg‘u. Agar yana chaqiruv olsam, juda xursand bo‘laman», — dedi Uayt.
O‘tgan mavsum oxirida tizzasidan jiddiy jarohat olgan himoyachi yozdagi transfer mish-mishlariga ham to‘xtalib, «Arsenal»ni tark etish niyati bo‘lmaganini ta’kidladi.
U shuningdek, Yurriyen Timberning safga qaytgani har ikki futbolchiga navbat bilan o‘ynab, yetarlicha dam olish imkonini berishini aytdi.
