«Espanyol» klubi rasmiy sayti orqali jamoa bosh murabbiyi Manolo Gonsales bilan hamkorlik to‘xtatilganini e’lon qildi.
«“Espanyol” klubi prezidenti Alan Peys va direktorlar kengashi nomidan Manolo Gonsalesga asosiy jamoa bosh murabbiyi lavozimiga tayinlanganidan buyon amalga oshirgan ishlari va sa’y-harakatlari uchun minnatdorlik bildiradi. Klub uning ushbu davr mobaynida namoyon etgan professionalizmi va ishga sadoqatini, shuningdek, jamoa oldiga qo‘yilgan vazifalarni bajarishdagi fidoyiligini alohida qadrlaydi. Shu bilan birga, Manolo Gonsalesga kelgusi professional faoliyati va shaxsiy hayotida omad hamda muvaffaqiyatlar tilaymiz», — deyiladi klub bayonotida.
47 yoshli Gonsales 2024 yildan buyon «Espanyol» bosh murabbiyi sifatida ishlab kelayotgan edi. Unga qadar klubning ikkinchi jamoasini boshqargan.
«Espanyol» joriy mavsumda La Ligada 10 ta uchrashuvdan keyin 8 ochko jamg‘argan holda 18-o‘rinni egallab turibdi.
