«Эспаньол» клуби расмий сайти орқали жамоа бош мураббийи Маноло Гонсалес билан ҳамкорлик тўхтатилганини эълон қилди.
«“Эспаньол” клуби президенти Алан Пейс ва директорлар кенгаши номидан Маноло Гонсалесга асосий жамоа бош мураббийи лавозимига тайинланганидан буён амалга оширган ишлари ва саъй-ҳаракатлари учун миннатдорлик билдиради. Клуб унинг ушбу давр мобайнида намоён этган профессионализми ва ишга садоқатини, шунингдек, жамоа олдига қўйилган вазифаларни бажаришдаги фидойилигини алоҳида қадрлайди. Шу билан бирга, Маноло Гонсалесга келгуси профессионал фаолияти ва шахсий ҳаётида омад ҳамда муваффақиятлар тилаймиз», — дейилади клуб баёнотида.
47 ёшли Гонсалес 2024 йилдан буён «Эспаньол» бош мураббийи сифатида ишлаб келаётган эди. Унга қадар клубнинг иккинчи жамоасини бошқарган.
«Эспаньол» жорий мавсумда Ла Лигада 10 та учрашувдан кейин 8 очко жамғарган ҳолда 18-ўринни эгаллаб турибди.
