Argentinalik sobiq futbolchi Ernan Krespo «Lasio» va uning bosh murabbiyi Jennaro Gattuzo Italiya chempionati jadvalida peshqadamlik qilishga munosib ekanini ta’kidladi.
«Nega «Lasio» chempionlik uchun kurashmasligi kerak? Jamoada o‘ziga xos hamjihatlik paydo bo‘ldi va buning barchasi Rinoning xizmati ekaniga ishonaman. Gattuzo g‘alaba qozonishni biladi va eng muhimi, buning uchun qanday sifatlar zarurligini yaxshi tushunadi.
Taktika va texnikadan oldin ruhiy tayyorgarlik turadi. Agar fikringiz jamlanmagan bo‘lsa, hech narsaga erisha olmaysiz. Rino futbolchilarining tafakkuri va ruhiyati ustida ishladi, ularni ishontirdi, rag‘batlantirdi. Bunday inson jamoani boshqarsa, uning ishonchini oqlash uchun bor kuchingizni sarflaysiz. Uning futbolchilari murabbiyi uchun olovga ham kirishga tayyor», — dedi Krespo.
