Аргентиналик собиқ футболчи Эрнан Креспо «Лацио» ва унинг бош мураббийи Женнаро Гаттузо Италия чемпионати жадвалида пешқадамлик қилишга муносиб эканини таъкидлади.
«Нега «Лацио» чемпионлик учун курашмаслиги керак? Жамоада ўзига хос ҳамжиҳатлик пайдо бўлди ва бунинг барчаси Ринонинг хизмати эканига ишонаман. Гаттузо ғалаба қозонишни билади ва энг муҳими, бунинг учун қандай сифатлар зарурлигини яхши тушунади.
Тактика ва техникадан олдин руҳий тайёргарлик туради. Агар фикрингиз жамланмаган бўлса, ҳеч нарсага эриша олмайсиз. Рино футболчиларининг тафаккури ва руҳияти устида ишлади, уларни ишонтирди, рағбатлантирди. Бундай инсон жамоани бошқарса, унинг ишончини оқлаш учун бор кучингизни сарфлайсиз. Унинг футболчилари мураббийи учун оловга ҳам киришга тайёр», — деди Креспо.
